Déi kreativ Bühn

Déi kreativ Bühn

Entdeck zesummen mam Magalie op spilleresch Aart a Weis däin authenteschen an intuitiven Ausdrock.

Hues du Loscht, dech emol ganz ouni Drock auszeprobéieren? Erauszefannen, wat an dir stécht, wann et kee Richteg oder Falsch gëtt?

Déi kreativ Bühn ass e Gruppecours fir jiddereen, dee seng Kreativitéit entdecke wëll, seng Präsenz stäerke wëll an d'Bühn op eng nei, entspaant Aart erliewe wëll – mat Freed, Virwëtz a Spill. Ganz egal, ob’s du scho Bühnenerfarung hues oder fir d'éischt Kéier derbäi bass.

Mat ofwiesslungsräichen, spillereschen Übungen entdecke mir eis Stëmm (du muss dofir net sange kënnen!), Kierpersprooch, intuitiv Beweegung, kreativt Schreiwen an Improvisatioun – mol alleng, mol zu zwee, mol an der Grupp.

Hei geet et net ëm Perfektioun oder Leeschtung, mee ëm däin eegene, authenteschen Ausdrock. Du entscheeds selwer, wéi a wéini’s du matmaache wëlls. Alles dierf, näischt muss.

Komm laanscht, probéier dech aus, loos dech iwwerraschen a fann däin eegene Wee, dech mat Freed auszedrécken.

.

.

Participatioun op Don-Basis