Pärels-Atelier

Zesummen géint Broschtkriibs

Maach mat bei eisem 2-Stonne Workshop a hëllef eis, Pärelsbracelete fir de gudden Zweck ze gestalten. Domat wëlle mir méi Bewosstsinn ronderëm Broschtkriibs schafen an déi karitativ Aktioun vum Ladies Circle 5 Osten ënnerstëtzen. 

D’Bracelete ginn duerno verkaaft, an de Revenu gëtt un EUROPA DONNA Luxembourg gespent, déi sech fir Fraen am Kampf géint Broschtkriibs asetzt.

.

All Bracelet huet eng besonnesch Bedeitung: Zwou onreegelméisseg geformte Séisswaasser-Pärele symboliséieren d’Brëscht an erënneren eis drun, datt all Fra an all Broscht eenzegaarteg ass – egal ob natierlech, no enger Operatioun verännert oder rekonstruéiert.

Als Merci fir deng Hëllef kanns du däin eegene Bracelet selwer gestalten a mat heem huelen. 

.

 All Don dësen Dag ass häerzlech Wëllkomm!